2022/2023 мавсум йилининг охирига қадар дунё бўйича 385 миллион тонна соя ва рапс етиштирилиши ва бу борада янги рекорд ўрнатилиши кутилмоқда. Ушбу прогноз OilWorld (Германия) экспертлари томонидан тақдим этилган ҳисоботда эълон қилинди.

Қайд этилишича, мавсумда соя ишлаб чиқаришнинг ошишига қулай об-ҳаво шароити замин яратади ва 2022/2023 йил мавсумида жорий мавсумга нисбатан 34 миллион тонна кўп ҳосил олинишига эришилади. “Соянинг ялпи ҳосили АҚШда 125,7 миллион тонна (+5 миллион тонна), Бразилияда  144 миллион тонна (+18 миллион тонна) , Аргентинада  45 миллион тонна (+3,2 миллион тонна), Парагвайда 10 миллион тонна (+6 миллион тонна), Хитойда  18,2 миллион тонна (+1.8 миллион тонна)ни ташкил этади”, дейилади ҳисоботда.

Рапс уруғини етиштириш миқдори Канада ва Европа Иттифоқида мос равишда 12,6 миллион тоннадан 19,6 миллион тоннага, 17,29 миллион тоннадан 18,62 миллион тоннагача ошади.

“Аммо ялпи ҳосил Австралияда 6,5 миллион тоннага (3 миллион тонна), Ҳиндистонда 10,1 миллион тоннага (10,3 миллион тонна) ва Украинада 2,6 миллион тоннага (3,13 миллион тонна) камайиши мумкин”, дея таъкидлайди таҳлилчилар.

Манба: oleoscope.